ഹേമ കമ്മിറ്റി റിപ്പോർട്ടിലെ ആരോപണ വിധേയർ താൻ ഉള്ളിടത്തോളം അമ്മയുടെ തലപ്പത്ത് വരില്ലെന്ന് ശ്വേതാ മേനോൻ ഫേസ്ബുക്കിൽ കുറിച്ചു.
താൻ ഉയർത്തിയ യഥാർത്ഥ വിഷയങ്ങള് ചർച്ച ചെയ്യപ്പെടാതെ പോകുന്നു. പിഷാരടി ഉള്പ്പെടെ അംഗീകരിക്കുന്ന അഴിമതി ആരോപണങ്ങള് ചർച്ച ചെയ്യപ്പെടുന്നില്ല. ചിലർ മാത്രം തനിക്കെതിരെ തുടർച്ചയായി ആരോപണങ്ങള് ഉന്നയിക്കുന്നു.
രാഷ്ട്രീയവും മതവും വർഗീയതയും കൊണ്ടുവന്ന് സംഘടനയെ വിഭജിക്കാൻ ശ്രമിക്കരുത്. വിട്ടുവീഴ്ചയ്ക്ക് ഇല്ലേ, പോരാട്ടത്തില് നിന്ന് പിന്നോട്ടുമില്ല.
കുറ്റാരോപിതർ സംഘടനയിലെ ചിലരെ മുൻ നിർത്തി തന്നെ തുടർച്ചയായി അപമാനിക്കുന്നു. കഴിഞ്ഞ 12 വർഷമായി രാജ്യം ഭരിക്കുന്ന ദേശീയ പാർട്ടിക്ക് സ്ഥാനാർത്ഥികളെ കിട്ടാൻ എനിക്ക് കോടികള് തന്നു എന്ന ആരോപണത്തിന് പിന്നിലുള്ള ലോജിക് എന്താണ്.
താന് ഏതെങ്കിലും പാര്ട്ടിക്കാരിയാണെങ്കില് അത് മറച്ച് വയ്ക്കേണ്ട കാര്യമില്ലെന്നും അതുവഴി തനിക്ക് നഷ്ടമൊന്നും ഉണ്ടാകില്ലെന്നും കുറിപ്പിൽ പറയുന്നു.