തിരുവനന്തപുരം: രാഷ്ട്രപതി രാംനാഥ് കോവിന്ദ് ഈ മാസം 21 മുതൽ 24 വരെ നാലു ദിവസം കേരള സന്ദർശനം നടത്തും. കാസർഗോഡ്, കണ്ണൂർ, എറണാകുളം, തിരുവനന്തപുരം എന്നിവിടങ്ങളിലാണു രാഷ്ട്രപതി എത്തുക.
21ന് ഉച്ചയ്ക്ക് 12.30നു കണ്ണൂർ വിമാനത്താവളത്തിൽ എത്തുന്ന രാഷ്ട്രപതി അവിടെ നിന്ന് ഹെലികോപ്റ്ററിൽ കാസർഗോഡേയ്ക്കു പോകും. കാസർഗോഡ് 3.30 നു നടക്കുന്ന കേന്ദ്ര സർവകലാശാലയുടെ ബിരുദദാന സമ്മേളനത്തിൽ രാംനാഥ് കോവിന്ദ് പങ്ക് എടുക്കും.