സി-ആപ്റ്റ് കോഴിക്കോട് സബ്‌സെന്ററില്‍ വച്ച് നടത്തുന്ന ഒരു വര്‍ഷം ദൈര്‍ഘ്യമുള്ള പി.എസ്.സി അംഗീകൃത കെ.ജി.ടി.ഇ പ്രീ-പ്രസ്സ് ഓപ്പറേഷന്‍, കെ.ജി.ടി.ഇ പ്രസ്സ്‌വര്‍ക്ക്, കെ.ജി.ടി.ഇ പോസ്റ്റ് പ്രസ്സ് ഓപ്പറേഷന്‍ ആന്റ് ഫിനിഷിങ് എന്നീ കോഴ്‌സുകളിലേക്ക് ഇപ്പോൾ അപേക്ഷിക്കാം. എസ്.എസ്.എല്‍.സി പാസായവര്‍ക്കാണ് ഈ അവസരം. അപേക്ഷകൾ സ്വീകരിക്കുന്ന അവസാന തീയതി മെയ് 24 ആണ്.
പട്ടികജാതി/പട്ടികവര്‍ഗ്ഗ/ ഒ.ഇ.സി വിഭാഗങ്ങള്‍ക്ക് നിയമാനുസൃതമായ ഫീസ് ആനുകൂല്യവും സ്റ്റൈപ്പന്റും ലഭിക്കും. ഒ.ബി.സി/എസ്.ഇ.ബി.സി/മുന്നോക്ക സമുദായങ്ങളിലെ സാമ്പത്തികമായി പിന്നോക്കം നില്‍ക്കുന്ന വിദ്യാര്‍ഥികള്‍ക്ക് വരുമാന പരിധിക്ക് വിധേയമായി ഫീസ് ആനുകൂല്യം ലഭിക്കും. അപേക്ഷാഫോറം സി-ആപ്റ്റിന്റെ ഔദ്യോഗിക വെബ്‌സെറ്റായ www.captkerala.com ല്‍ ലഭ്യമാണ്. വിശദവിവരങ്ങള്‍ക്ക് ഓഫീസര്‍ ഇന്‍ചാര്‍ജ്, സി-ആപ്റ്റ് സബ് സെന്റര്‍, ബൈരായിക്കുളം എല്‍. പി. സ്‌ക്കൂള്‍ കോമ്പൗണ്ട് , റാം മോഹന്‍ റോഡ്, കോഴിക്കോട് – 673004.
കൂടുതൽ വിവരങ്ങൾക്ക്: 0495 2723666, 0495 2356591, 9778751339
ഇ.മെയില്‍ : kozhikode@captkerala.com.