കോഴിക്കോട് : ജീവിതശൈലി രോഗപ്രതിരോധ ക്യാമ്പയിൻ ‘ബി ദ ചേഞ്ച്‌’ പദ്ധതിയുമായി ആരോഗ്യ വകുപ്പ്. പദ്ധതിയുടെ ഭാഗമായി ആരോഗ്യപ്രവർത്തകർ സൈക്കിൾ ഉപയോഗിക്കാൻ ആരംഭിച്ചു. ജില്ലാകലക്ടർ ഡോ. എൻ തേജ് ലോഹിത് റെഡ്ഢി സിവിൽ സ്റ്റേഷനിൽ പദ്ധതി ഫ്ലാഗ് ഓഫ് ചെയ്തു.
ആരോഗ്യകരമായ ഭക്ഷണം, ശാസ്ത്രീയമായ വ്യായാമം എന്നിവ ജീവിതശൈലി മെച്ചപ്പെടുത്താൻ പ്രധാനമാണ്. ആരോഗ്യ പ്രവർത്തകരുടെ ഹ്രസ്വമായ യാത്രകൾ സൈക്കിൾ വഴി ആക്കുന്നതിലൂടെ ഇവ കൈവരിക്കാൻ സാധിക്കുമെന്നപ്രതീക്ഷയിലാണ് ‘ബി ദ ചേഞ്ച്‌’ പദ്ധതി നടപ്പാക്കുന്നത്.
ഈ പദ്ധതി കേരളം മുഴുവൻ നടപ്പിലാക്കുന്നതിനുള്ള ശ്രമത്തിലാണ് ആരോഗ്യവകുപ്പ് .