സര്ക്കാര് ആശുപത്രികളില് മെഡിക്കൽ ഉപകരണങ്ങള് പാഴാക്കിയ സംഭവം അന്വേഷിക്കാന് വിദഗ്ധ സമിതിയെ രൂപീകരിച്ച് ആരോഗ്യവകുപ്പ് ഉത്തരവിറക്കി.
ആരോഗ്യവകുപ്പ് പ്രിന്സിപ്പല് സെക്രട്ടറി അദ്ധ്യക്ഷയായ സമിതിയാണ് അന്വേഷിക്കുക. ആരോഗ്യവകുപ്പ് അഡീഷണല് സെക്രട്ടറി, മെഡിക്കല് വിദ്യാഭ്യാസ ഡയറക്ടര്, ആരോഗ്യവകുപ്പ് ഡയറക്ടര്, എന്.എച്ച്.എം ഡയറക്ടര് എന്നിവരാണ് സമിതിയിലെ അംഗങ്ങൾ.
ആരോഗ്യവകുപ്പിന് കീഴിലുള്ള എല്ലാ സ്ഥാപനങ്ങളിലും പരിശോധന നടത്താന് നിര്ദ്ദേശമുണ്ട്.
വയനാട് മെഡിക്കല് കോളേജിലെ ഗോഡൗണില് നിന്ന് കോടിക്കണക്കിന് രൂപയുടെ ഉപകരണങ്ങള് കൂട്ടിയിട്ട നിലയില് കണ്ടെത്തിയ സംഭവത്തിലാണ് അന്വേഷണത്തിന് ഉത്തരവിട്ടത്. കോടിക്കണക്കിന് രൂപ വിലവരുന്ന ഉപകരണങ്ങള് നശിച്ച നിലയിലാണ് കണ്ടെത്തിയത്.
ആറ് മൊബൈല് മോര്ച്ചറി യൂണിറ്റുകള് ഉള്പ്പെടെ ഗോഡൗണില് കൂട്ടിയിട്ട നിലയിലായിരുന്നു. ഇതില് ഒരു യൂണിറ്റിന് ഏതാണ്ട് 20 ലക്ഷത്തിലധികം രൂപ വരുമെന്നാണ് കണക്കാക്കുന്നത്. കഴിഞ്ഞ ദിവസം വയനാട്ടില് സന്ദര്ശം നടത്തിയ ആരോഗ്യ വകുപ്പ് മന്ത്രി കെ. മുരളീധരന് ഈ നിലയില് ഉപകരണങ്ങള് കൂട്ടിയിട്ടത് നേരില് കണ്ട് ബോധ്യപ്പെട്ടിരുന്നു.