കോവിഡ് വാക്സിനേഷനായി ‘കോവിന്‍’ സൈറ്റ് ലോഗിന്‍ ചെയ്ത് കാത്തിരുന്ന് മടുത്തിരിക്കുന്ന ജനങ്ങള്‍ക്ക് ആശ്വാസമാണ് പുതിയ രീതി.
ഇപ്പോള്‍ വാക്സിനേഷന്‍ പ്രക്രിയ എളുപ്പമാക്കാന്‍ വാക്സിന്‍ സ്ലോട്ടുകള്‍ ‘വാട്സ്ആപ്പ്’ വഴി ബുക്ക് ചെയ്യാനുള്ള സൗകര്യം ഒരുക്കിയിരിക്കുകയാണ് കേന്ദ്ര ആരോഗ്യ മന്ത്രാലയം.
കേന്ദ്ര ആരോഗ്യ മന്ത്രി മന്‍സുഖ് മാണ്ഡവ്യയാണ് ട്വിറ്ററിലൂടെ ഇക്കാര്യം അറിയിച്ചത്.
സര്‍ക്കാറിന്‍റെ കോറോണ ഹെല്‍പ് ഡസ്ക്കിന്‍റെ ഫോണ്‍ നമ്പര്‍ ഉപയോഗിച്ചാണ് ബുക്കിങ് നടത്തേണ്ടത്.
വാട്സ്ആപ്പിലൂടെ വാക്സിന്‍ സ്ലോട്ട് ബുക്ക് ചെയ്യേണ്ട ഘട്ടങ്ങള്‍ ഇപ്രകാരമാണ്…
- +919013151515 എന്ന നമ്പര്‍ കേണ്‍ടാക്ട് ആയി സേവ് ചെയ്യുക
- ‘Book Slot’ എന്ന് ഈ നമ്പരിലേക്ക് സന്ദേശം അയക്കുക
- SMS ആയി ലഭിച്ച ആറ് അക്ക ഒ.ടി.പി അടിക്കുക.
- വേണ്ട തീയതി, സ്ഥലം, പിന്‍കോഡ്, വാക്സിന്‍ എന്നിവ തെരഞ്ഞെടുക്കുക
- കണ്‍ഫര്‍മേഷന്‍ സന്ദേശം ലഭിച്ചാല്‍ വാക്സിന്‍ സ്ലോട്ട് ബുക്ക് ആയി.
നേരത്തെ വാക്സിന്‍ സര്‍ട്ടിഫിക്കറ്റ് വാട്സ്ആപ്പിലൂടെ ലഭ്യമാക്കുന്ന സൗകര്യം ആരോഗ്യ മന്ത്രാലയം ഒരുക്കിയിരുന്നു.
പല ആവശ്യങ്ങള്‍ക്കും വാക്സിനേഷന്‍ സര്‍ട്ടിഫിക്കറ്റ് നിര്‍ബന്ധമാക്കിയ സാഹചര്യത്തില്‍ ജനങ്ങള്‍ക്ക് ഇത് സൗകര്യപ്രദമായിരുന്നു.