വനം വകുപ്പ് ആസ്ഥാനത്ത് അത്യാധുനിക സുരക്ഷാ സംവിധാനങ്ങളോടെ നിര്‍മ്മിച്ച സ്‌ട്രോംഗ് റൂമിന്റെയും സംസ്ഥാനത്തെ ഇക്കോ ടൂറിസം സെന്ററുകളുടെ ഓണ്‍ലൈന്‍ ടിക്കറ്റിംഗിന്റെയും ഉദ്ഘാടനം ഇന്ന് ഉച്ചക്ക് 2.30ന് (22.12.2021) വനം വകുപ്പ് ആസ്ഥാനത്ത് കോണ്‍ഫറന്‍സ് ഹാളില്‍ നടക്കും. സ്‌ട്രോംഗ് റൂമിന്റെ ഉദ്ഘാടനം വനം-വന്യജീവി വകുപ്പ് മന്ത്രി എ.കെ.ശശീന്ദ്രന്‍ നിര്‍വഹിക്കും.
ഓണ്‍ലൈന്‍ ടിക്കറ്റിംഗിന്റെ ഉദ്ഘാടനം ചടങ്ങില്‍ അദ്ധ്യക്ഷത വഹിക്കുന്ന ഗതാഗതവകുപ്പ് മന്ത്രി ആന്റണി രാജു നിര്‍വഹിക്കും.
പിസിസിഎഫുമാരായ നോയല്‍ തോമസ്, ഡി ജയപ്രസാദ് എന്നിവര്‍ റിപ്പോര്‍ട്ടുകള്‍ അവതരിപ്പിക്കും.
വനം-വന്യജീവി വകുപ്പ് പ്രിന്‍സിപ്പല്‍ സെക്രട്ടറി രാജേഷ്‌കുമാര്‍ സിന്‍ഹ ആശംസയര്‍പ്പിക്കും. മുഖ്യ വനം മേധാവി പി കെ കേശവന്‍ സ്വാഗതവും എപിസിസിഎഫ് (ഭരണം) ഡോ പി പുകഴേന്തി കൃതജ്ഞതയുമര്‍പ്പിക്കും. പിസിസിഎഫും ചീഫ് വൈല്‍ഡ് ലൈഫ് വാര്‍ഡനുമായ ബെന്നിച്ചന്‍ തോമസ്, എപിസിസിഎഫ്മാരായ ഇ പ്രദീപ്കുമാര്‍,രാജേഷ് രവീന്ദ്രന്‍, പ്രദീപ് കൃഷ്ണന്‍, എസ്റ്റേറ്റ് ഓഫീസര്‍ ഡിസിഎഫ് ബി.എന്‍.നാഗരാജ് തുടങ്ങിയവര്‍ സംബന്ധിക്കും.