എസ്.എസ്.എല്.സി, പ്ലസ് ടു പഠനം പാതിവഴിയില് മുടങ്ങിയവര്ക്ക് സൗജന്യമായി തുടര്പഠനം സാധ്യമാക്കുന്നതിന് കേരള പോലീസിന്റെ ഹോപ്പ് പദ്ധതിയില് രജിസ്റ്റര് ചെയ്യാം. പഠനം പൂര്ത്തിയാക്കാന് കഴിയാതെ പോയ 22 വയസിനു താഴെയുള്ളവര്ക്ക് അതത് ജില്ലയില് വച്ചാണ് പരിശീലനം. താത്പര്യമുള്ളവര് ബന്ധപ്പെട്ട പോലീസ് സ്റ്റേഷനുകളിലോ 9497 900 200 എന്ന നമ്പറിലോ ജൂലായ് 31ന് മുമ്പ് പേര് രജിസ്റ്റര് ചെയ്യണം.
വിദഗ്ദ്ധരായ അദ്ധ്യാപകരുടെ ക്ലാസുകളും മെന്ററിംഗ്, മോട്ടിവേഷന് പരിശീലനങ്ങളും ഹോപ്പ് പദ്ധതിയുടെ ഭാഗമാണ്. നിരവധി തൊഴിലധിഷ്ടിത കോഴ്സുകള് സ്വായത്തമാക്കുന്നതിന് കുട്ടികള്ക്ക് അവസരം ലഭിക്കും.
2025-26 ൽ പദ്ധതിയുടെ ഭാഗമായി 1671 പേരാണ് പരീക്ഷയെഴുതിയത്. ഇതില് 1050 പേര് ഉന്നതപഠനത്തിന് അര്ഹത നേടി.
2017 മുതല് 2026 വരെ ഹോപ്പ് പദ്ധതിയിലൂടെ പരീക്ഷയെഴുതിയ 8695 പേരില് 5414 പേര് ഉന്നത പഠനത്തിന് അര്ഹരായി.