യഥാര്ഥ സംഭവങ്ങളെ ആസ്പദമാക്കി എം പത്മകുമാര് സംവിധാനം ചെയ്ത ചിത്രമാണ് ഉയിർ. വൗ സിനിമാസിന്റെ ബാനറില് സന്തോഷ് ത്രിവിക്രമന് നിര്മ്മിച്ചിരിക്കുന്ന ചിത്രത്തില് റോഷന് മാത്യു പ്രധാന വേഷത്തില് എത്തിയിരിക്കുന്നു.
റോഷന്റെ ഉയിര് എന്ന സിനിമയുടെ ഒടിടി സ്ട്രീമിംഗ് പ്രഖ്യാപിച്ചിരിക്കുകയാണ്. ജിയോ ഹോട്സ്റ്റാറിലൂടെ ആഗസ്റ്റ് 4നാണ് ഒടിടിയില് ഉയിര് എത്തുക. നിഖില് കെ മേനോനും ഷാജി മാറാടും ചേര്ന്നാണ് ചിത്രത്തിന്റെ തിരക്കഥയും സംഭാഷണവും ഒരുക്കിയിരിക്കുന്നത്.
റോഷന് മാത്യുവിനൊപ്പം നടന് ബൈജു സന്തോഷ് ചിത്രത്തില് ഒരു മുഴുനീള പോലീസ് കഥാപാത്രത്തെ അവതരിപ്പിക്കുന്നുണ്ട്. ഇവരെ കൂടാതെ വിനീത് തട്ടില്, ദിവ്യ എം നായര്, സന്തോഷ് ത്രിവിക്രമന്, ഷാജു ശ്രീധര്, ശ്രീകാന്ത് മുരളി, വിനോദ് സാഗര്, അതുല്യ ചന്ദ്ര, ശ്രുതി മേനോന് എന്നിവരും പ്രധാന വേഷങ്ങളില് എത്തുന്നു.